MENU

Amr Elshamy

عمرو الشامي فنان رقمي ومصور فوتوغرافي وصانع افلام… فنان مصري مستقل اشتهرت اعماله علي الانترنت ونالت شهرة عالمية ونشرت اعماله في بعض المعارض الدولية حول العالم حتي اختارته شركة ادوبي المصنعة لبرنامج الفتوشوب لتكون احد اعماله “السقوط” علي غلاف اشهر برنامج في العالم الفتوشوب…تم تكريمه من الرئيس عبد الفتاح السيسي في منتدي شباب العالم 2019 وحصوله علي العديد من الجوائز الفنية في مسابقات علي منصات عالمية بيما فيهم موقع DeviantArt اشهر موقع اعمال فنية في العالم.

حابيت اشارك معاكم…تاني عشان الناس اللي بتبعت ليا كل شوية ونفسها تفهم القصة من الاول…
في 2009 ل 2012 كنت بنزل شغلي علي الانترنت ومكنش حد مهتم بيه وكان في اعتبار الناس مش حلو او مش واصل الفكرة بتاعته اوي بس انا كان الحاجات اللي بعملها سوء رسم او اعمال فنية رقمية كنت حاسس ان ليها قيمة فمهتمش اوي لاراء الناس وفعلا بدات ابطل انشر شغلي علي المواقع زي الفيس بوك كنت بلاقي ناس كتير جدا بتهتم بشغلي خصوصاً الاعمال الخاصة ب “الوحوش” او Monsters بس كل الناس دي خارج مصر….وانا كنت مستمر بعمل اللي بحبه وخلاص وبنزله ومكنش حد مهتم بي شغلي بالذات الناس اللي هنا في مصر مكنش مفهوم اوي…
في اواخر 2012 اطلب مني من شركة ادوبي اني ادخل علي موقع Behance الموقع المختص بي الاعمال الفنية واللي اغلب المحترفين بحطو شغلهم عليها في الاول كنت متوقع انه رسالة اعلانية وتجاهلت الموضوع تماماً لاكن اطلب مني ان اديهم رقم التليفون الشخصي بتاعي كل ده انا مش فاهم حاجة…ادوبي مكنتش موضحة حتي اللي اتصل بيا مكنش موضح اوي ليه قال ياريت ترفع عليه شغلك…حسيت بهتمام كبير سعتها بيا شخصياً وان الحاجة دي ليا فعلاً عملت كده… بعد فترة اتصل بيا حد تاني خالص وقال ليا احنا بنعمل مشروع مجمع بين 16 فنان من افضل صناع الديجتال ارت او الفن الرقمي في العالم وكنا حابين تشارك فيه وقالو كل التفاصيل..
فعلاً في 2012 / 2013 عملت الصورة اللي خاصة بيا وكانت ادوبي “Adobe” مدياني الحرية الكاملة ان اشتغل علي المشروع اللي كان وقتها ضد التنمر في كل حته وكان مشروع ضخم فعلا وفعلا في عرض عظيم حصل في مهرجان ادوبي ماكس قدام اكتر من 10000 الحضور واتكتب عنه في كذا حاجة وفي نفس الوقت مكنش حد مهتم بيا اوي وممكن ميكنش ناس كتير قدر يوصل ليها الكلام ده
من بعديها واشتغلت مع ادوبي Adobe بشكل مكثف علي اكتر من مشروع وكنت فخور جدا اني اكون المصري والعربي وحيد اللي ديماً شغلي بيلفت النظر علي الاقل بره مصر…فات وقت كتير جدا بعتها لغاية 2016 وعلاقتي كويسة جدا بي Adobe تحديدا برغم من الوقت ده اشتغلت مع شركات تانية كبيرة زي مايكروسوفت وخدو مني اعمال فنية بردو.
في 2016 كنت عامل عمل فني اسمه السقوط وكان ناجح جدا جدا لدرجة انه اتعرض في معارض كتير بره في فرنسا والصين كمان وانا كنت مبسوط جدا مكنتش متوقع اللي هيحصل بعد كده نهائي في شهر اغسطس 2016 جالي رسالة ايميل ان في حد من الادارة بتاعت ادوبي هيكلمك في الوقت الفلاني ولازم تكون موجود طبعاً حصل الاتصال وكانت اكبر مفاجاه ممكن تحصل لحد في حياته قالو ليا احنا حابين جدا عمل الفني بتاعك “السقوط” عشان يبقي الواجه بتاعت اشهر برنامج في العالم الفتوشوب النسخة ال2017 “Adobe Photoshop CC 2017” انا مكنتش متخيل ابدا ان ده كان ده هيحصل لان دي اكبر حاجة فعلاً ممكن الناس تكون شغلك عليها وناس كتير ممكن تشوف شغلك عليها وقبلها بشوية كانت في شركة تانية هتاخد الحقوق بتاعت العمل الفني السقوط ده…بس الحمدلله اني موفقتش عليه.
فعلاً للمره ال 4 تقريباً شغلي يتعرض في مهرجان ادوبي ماكس Adobe MAX في مسرح مايكروسوفت قدام اكتر من 10000 من الحضور وفعلا المرة دي اهتمام غير مسبوق من كل العالم في مصر وخارج مصر وكان ده اكتر انجاز في حياتي انا فخور بيه…الحمدلله لسه التعاون بين انا وادوبي لغاية يومنا هذا وفخور….
حلمي الاكبر الجي ان اقدر اخلص في وسط الظروف دي اول فيلم طويل ليا ويبقي ده حلمي التاني الاكبر لان في البداية انا دخلت المجال عشان لما اتخيل مشهد في فيلم انا عاوز اعمله اقدر اجسده في صورة علي الاقل لغاية ماتتوفر الامكانيات واقدر احققه!